唔好又係睇標題，標題係用黎俾like 既
不過呢樣野亦係開始我之前所講緊既，當市跌時，你點確定你保到你份工，保到你現金流唔斷。而家大公司開始陸續去裁員，或減省支出，我朋友公司也在考慮當中。中小企係咁，大企業就更加係咁，佢地要為股東營利有交待，唔炒咁D人，點係逆市上整靚盤數交差。到時營利下跌起碼都話俾人知已經做左野。
之前英航，今次TVB 呢一兩單既裁員暫時未有做成好大問題，但最怕呢個係會影響公司既營商氣氛。最係話有D公司明明無任何壓力，但見外面D公司都開始炒人，跟住老細就開始諗下，洗唔洗，你知喇，成間公司咁大，無幾個廢柴點似樣，所以最終老細就可能心諗要搵出呢幾個廢柴出黎，果下先死。
自己問下自己，有無係公司淘寶? 上facebook? 煲劇? 打機? 溝女? 9hea ? 什至乎出去扮見客但永遠無生意??
呢D野老實講我以前全部都有做，但就算唔好境時老細見到都無出過聲。你如果重想繼續咁做又唔洗炒就要諗下計，例如知道老細個二奶係邊個? 老細去浦時就識得做單擋或者你有項絕技全公司都取代唔到你既。如果你好清高的話，唔做以上既衰野，你就認命開始收斂下，唔好係公司做咁多野喇。我以前做IT 曾經有老細係叫我整份野出黎，睇下邊個上過乜網用過software 等等，IT 有時係一隻IT狗，佢狗就狗在要自保時可以如實交出Data，但有可以好有義氣地抹走data，所以自己小心喇下。
重回正題，其實係呢個時間咁早期去裁員還好，越遲裁你會發現越難搵工，當大家年過40有一至兩頭家要養時你就會知乜野叫壓力。呢種壓力係你唔食都要死舊錢出黎，年青的未明白，因為炒左可以好快搵過或轉行，當我地呢堆中年人就知了。至於呢個壓力，我會係我故事為大家分享要密切留意，其實做房L係逼出黎架。 https://www.hk01.com/%E5%8D%B3%E6%99%82%E5%A8%9B%E6%A8%82/243740/tvb%E5%86%8D%E7%82%92150%E4%BA%BA%E7%89%BD%E6%B6%89%E8%A3%BD%E4%BD%9C-%E7%BE%8E%E8%A1%93%E7%AD%89%E9%83%A8%E9%96%80-%E6%9C%89%E5%8A%87%E9%9B%86%E7%9B%A3%E8%A3%BD%E8%A6%81%E7%87%89%E5%86%AC%E8%8F%87
Comentarios