其實自去年貿戰起，好多中小企自己都知問題大了。去年年尾其實好多中小企老闆都講過生意已經開始唔好。只係諗住捱過埋個年關，睇下有無生機。但點知捱過年關諗住會好少少既時間，又爆一次示威，遊行等等。其實做生意真係好慘，唔係大家所想做老細做得咁好，家下做老細其實係受伙記氣多過受客氣。不過部份老細還是要做生意因為做開生意既，好難再出去打番工，時間唔自由，有時又會受唔到氣，所以佢地先捱住去做。如果今次再繼續玩落去，我都可以講應該會有部份老細捱唔住都要摺埋檔野，本身營商環境已經差，重要攪大龍鳳，慌佢唔死系列。
其實當老細摺埋檔野，一眾打工仔就真正受壓了，以前打工理鬼公司有無生意，日日出糧，而家炒左又要再搵過工，好彩既搵番差不多人工，唔好彩既減人工都要做。永遠發生呢類野真係攪唔到有錢果班人，唔好諗住一齊攬炒你有機會上位。我自己係香港除左日用品，基本上全部淘寶，所以香港既零售差不多已經無左我呢個客，但我想講香港有幾多個我呢類人? 我唔知，我只知香港好好彩，淘寶未到好成行成市，如果唔係我覺得市道會更加死都似。
你出去玩既同時，諗住改變社會，諗住搵希望，但你又有無諗過最終玩既係玩緊自己? 你自己諗清諗楚，如果你無左份工，你屋企人又無左份工，你頂唔頂得住? 頂得住，你咪去玩羅，頂唔住既，到時唔好叫慘呀，因我我地呢班廢中同廢老，講到明係廢，點幫你呀。廢架嘛，你地咪靠自己羅。
https://hk.finance.yahoo.com/news/%E9%9B%B6%E5%94%AE%E6%A5%AD%E9%A0%90%E8%AD%A6%E5%85%A8%E5%B9%B4%E7%94%9F%E6%84%8F%E5%8D%87%E8%BD%89%E6%8C%AB%E9%80%BE-%E6%88%90-%E4%BF%AE%E4%BE%8B%E7%A4%BA%E5%A8%81%E8%A1%9D%E7%AA%81%E8%87%B3%E4%BB%8A-%E7%87%9F%E6%A5%AD%E9%A1%8D%E9%9B%99%E4%BD%8D%E6%95%B8%E8%B7%8C%E5%B9%85-193700364.html
Comments