前日入左元朗一轉攪攪震無幫襯，去左搵盤睇下，其實盤唔係無，但老實說比去年低位時又確實升左少少，無之前咁平咁。果日捉左一位之前我教既國內物業投資課程靚女同學帶我睇盤，佢係元朗地膽Agent，盤多，行內都算響朵了。所以前日專誠入去搵佢帶我去睇，10年前我買元朗物業時唔識佢，我諗佢應該重讀緊書，所以唔識我呢D阿叔。
入到去就睇下村屋，洋樓等等，最平百幾萬有交易重可以8成半上會，其實邊個話無選擇，而選擇只在乎於你有無去睇，有無去了解。玩左半日，係元朗食個飯，hea行一下就出番九龍，元朗仍然係人多車多，呢個點想當年自己睇中了，我都要為自己鼓掌。
位靚女相我就無影喇，我身邊有監護人呀，卡片就有張，大家有興趣搵樓，可以考慮。話係業Sir 介紹，可能重有意外收獲tim😂😂😂(佣金收double 😝😝)
Comments