呢幾日，日以計夜，夜以繼日，去煲劇，好9辛苦先煲到39集。搵盤都無咁勤力。
昨日分享一些麻煩事，每逢大雨倍想小，樓下業主打來漏水，原來在我出租單位既窗邊不斷入水，水浸客廳，其實每年夏天例必多麻煩電話，在香港應該所有收租佬都試過此經驗。第二單，係個租客出門口後，回家時有野跌落門後面頂住左開唔到門，門又拆唔到，點攪....最終係門下方仆爛其中一件門既扣件，之後用手推開先攪掂，道門點算?咪求其痴膠，頂9住先。香港師傅手工差，求9其，人工又貴。老實講我係大陸D樓都無試過咁多麻煩野。
如果你試過一次大陸維修及收租，我諗堅番唔到轉頭。昨日有單野同我講到好9嚴重，又話要電線從拉，等等，我諗點都要千幾兩千呀，點知同我講，收我$180人仔。又有一單，都係昨日，話冷氣機去水有問題要拆要剩，總之唔知要攪乜9，收我$70人仔。呢D問題係香港，你無4-5000 咪洗甩身。我其實香港，澳門及大陸既樓，我全部都會俾經紀收租，一來我唔想對租客，二來老實講我有一定數量，如果每個租客得閒搵下你，堅會爆粗。同埋我自己把收租作為一間公司去營運，你唔俾錢人賺，人地又點俾錢你賺。當然香港D樓就算我有搵人收租，我自己也會跟得較緊，始終所有成本太大，唔睇住好易賴野。
當然大家如果只有幾間我都覺得應該自己去管理番，但將來多就要學識花錢買舒服，不然你搵咁多，重要日忙夜忙，有乜得著? 不如搵份工去番重好喇。我只想雨天快快過去，唔好攪9我
9月1-6日，去泰國9遊，FB 正路不更新，見諒
Comments