過去幾日，不斷有人問我橫琴澳門珠海等等問題，我先講講橫琴，橫琴係想打造成為金融區既地方，概念係有係到，但我又想問下有邊個城市唔係話佢發展果邊係打造為金融區? 每個城市都金融區有幾多個可以成功到? 我唔知，只係橫琴離我地最近，所以最關注，再加埋一大堆銷售員既吹噓，個個都當果個地方係最接近神既地方。其實大家有無細心去睇過?
大家去到橫琴，會見到咩野? 好靚既樓，樂園等等，但我想問下你，你見到幾多個人出現? 就因為澳門話會打造成第二個金融區，香港既plan B，所以大家又再想起橫琴，當然呢個消息係有幫助，但個幫助會否即時出現，價錢即時會升? 我真係唔多覺。橫琴普編住宅價為4xxxx一方，商業公寓同鋪我唔講，因為我從來不建議人買。其實呢4xxxx一方既野，我想話你知已經price in 左個希望，即係話你知，唔理個金融區得定唔得，呢個希望你已經要俾錢買左先。你問我將來會升呀，呢個係你自己一廂情願，即係你去賭錢有個人同你講，下鋪開大，你信，咁你咪搏一搏羅。而家我會話你知呢口價，係成個大灣區，大把貨你揀，你硬係要用一個價錢想去買個希望都唔買實質野，你會唔會同賭錢一樣呢?
4xxxx 幾蚊，你可以買到佛山靚位千燈湖有找，廣州既地方又得，深圳都得，你硬係要揀一D希望野，而唔揀一個即時有收益見到既野，我都唔知點講，當然我無話過橫琴唔升，但佢已經去到4xxxx一方，現時重要乜都未有，你都去買? 你想佢升幾多? 一倍兩倍? 去到呢D價時，點解要買你橫琴唔去買前海? 有人話現時唔晒5-6年後就會旺，係呀其實有邊個銷售員唔係咁講? 最終幾多個講中左? 我唔知喇，但依我睇既橫琴，你無10年都未會見到乜野睇到。唔信? 咁你咪去買羅，反正係你錢又唔係我錢。
業Sir Instagram https://www.instagram.com/yipsirsir
業Sir 微博 https://www.weibo.com/yipsirsir
******************************************************************************** 廣告時間: 大灣區必修班，暫定日期，1月9日及10日晚上7-10pm
如有興趣請Whatsapp 54645624
留言