大姐，你英國都算係一個大國，家下投完票玩兒戲？其實係你地自己捉蟲入屎忽，要怪就怪自己喇。家下玩咁耐先至縮？真係玩野。
大家重記唔記得3年前玩到幾大，5號仔跌到落4x蚊，就係脫歐果日我買左兩萬股匯豐，都咪話唔爽死。到而家又話唔脫歐? 咁會否過一年又脫? 然後又有得插????
其實今日不知聽日事，尤其是國家大事都咁兒戲，任你機關算盡，數據充足，我都只可以講你亦可以不合理地輸錢，到時你會問點解? 但事後就可以有好多解釋。
例如有無人估到08-18年樓價升足10年，數據咁足，正常贏面好高喇，咁基金又唔買樓? 基金可以升5-6倍有多，重未計摃干，橫掂基金管理費都係一年計，唔好同我講要炒炒賣賣先賺到錢呀。
又有人話估到大升市，咁我又問你將你身家百份之幾係2008果年去買樓? 唔洗話我知，你自己知就得了。我自己就用左本金既130%去做首期買，未計按揭額。點用130%去買? 因為當其時我欠緊P-loan 同裝修數，佢唔升我就死硬。好搏? 係呀，點解咁搏? 窮law，但好老實講，我都估唔到升到2018年.......所以唔洗玩嘴炮，自己錢自己控制，你賺同蝕都唔關我事，只係想講大家計咁多真係有用? 如果有用的話你自己同班買樓投資既師奶講喇，睇佢點答你。
https://news.now.com/home/international/player?newsId=334092
Comments