香港樓市

以我咁懶既人，好少一日出兩篇文，我出得，你就知大獲了。

今日各大媒體都講呢個標體，香港加息了。香港係12年來第一次加息。如果呢12年來，有幸早期有買物業投資或自住，我深信已經坐左好多年順風車了，資產亦已經以倍數增長。

今次加息需小，但意義十分重大，表明對香港投資者所講，息口會向上調整，想用物業賺息差已經唔係易事，亦要留意風險。作為我地呢班食正順風車既投資人來說，影響不大，但對於在過去一兩年以呼吸plan 去承做按揭既勇士，可能會是一個警號。你有無諗過自身現金流問題呢? 你睇埋我今日果篇文，你要再諗一層係，你能否保住你份工。如果你感覺工作有危機，現金流有問題，咁你可能真係要諗下後著，我深信一係問題唔黎，一黎就會快夾狠，你唔會有時間去準備任何野，這是我能見到的及提出既忠告。

至於息口預期我覺得確係會加，但我諗係一厘以內。先不論貿易戰，因為太多變數，如果加埋佢完全諗唔到。但正常息口來說一厘內已是相當高，因為印銀紙就像吸毒，點介呀，流晒鼻涕咁。但大家唔好睇少呢一厘，我深信呢一厘都夠好多人輸身家。當然仍是果句，你有幾多準備? 我自己既準備就係3年既供款，你可能覺得好多，但同你講錢永遠都只會唔夠，咁你呢?

#香港樓市 http://hk.on.cc/hk/bkn/cnt/news/20180927/bkn-20180927110121442-0927_00822_001.html