昨日DSE 放榜，每一年都有好成績同壞成績，但成績好固之然開心，因為你條路可能會更易向上流。但記住世事往往並非成績好的便代表一切，如果你因為成績好而自滿，睇唔起人我就可以話你知，你已經步上左失敗既階梯。
我自己當年無DSE，只有會考，我記得自己會考時得3分，當其時要14分先升到中六，咁你一睇就知我係人才喇。想當年既3分，對我黎講好似世界末日，但幾十年後既今日，回頭一睇，可能會諗，早知道連會考都唔考就出黎做野好過喇。因為我的志願都係錢，早D出黎搵錢，可能重大收獲。
年青人，你唔好為一個DSE而覺得心灰意冷，其實現時好多課程係可以駁番上大學，時間並非相差好遠。記住一樣野，讀書失敗並唔代表一切。你會見到好多人讀書叻既都係幫緊一班讀書唔叻既人做野，呢個係事實。所以千其唔好放棄，唔放棄你既人生絕對有希望，你放棄你既人生就等同絕望。
努力喇，年青人。
Comentarios