就在2007年我轉工了，轉左去一份在福田保稅區內既IT工，每星期回港一次，星期一就北上，星期五就番香港。果時見工時講過既，一年基本有幾個月bonus 但無雙糧，但當然.........
第一次北上長駐，公司提供了住既地方，在保稅區附近，佰幾方，3房套廁，一開始得我一個人住，因為另外兩位同事未搬入來。真係係香港住開豆潤既樓都未見過大野，傢俬好鬼大件，間屋太大好似鬼屋，每晚番去都一枝箭沖入房關門，因房內有套廁，所以都唔洗出去，直到第朝為止。果時我有鼻敏感但好神奇，係果邊生活左幾年，反而無晒事，好奇怪，邊個話國內空氣差??
果時我做IT 主要係做全公司既Server Support, Admin, Security，全部由零開始，也算是獨揸大旗，果時自己對IT 還有一絲希望，有抱負，由一番工，就到夜晚10點先收工，然後就番宿舍，最終也算是自己一手一腳起D野出黎，也有點成就感。我果時下面有條靚，每日揸車番工，由西鄉揸去福田，半個鐘有多，外面唔知以為佢係老細。其實條友仔每個月出2xxx糧，然後月頭就將份糧賭晒，月中到月尾靠借同事錢過活，我都真係佩服佢，都堅唔明點解要咁做，條友又懶，長期不在公司，重蛇過我，我堅頂唔住唯有炒9左佢，有條靚連你自己都控制唔到的話，唯一辦法就係炒。
後來，我自己請番個後生仔，一張白紙，好教好洗，我無管佢架，基本上無野做我就理9佢係到打機又好，睇戲又好，重之有野做交到貨俾我就得，我唔要一隻牛，我只要一個做得野既人。
果時我地公司係以色列公司，係nasdaq 上市，成班以色列鬼係到，我老細有痴利根，講英文好9難聽，一來我英文又唔係好喇，我足足習慣左半年先知佢up 乜。但我自從打過以色列人既工後，我話過唔會再打。
點解?
1. 佢地好折墮，email 要 print 出黎睇，睇完就碎
2. 當我地香港同中國人好似奴隸咁
3. 班友無料但以為自己好有料
4. 成班人假到仆街，鐘意扮大枝野
但好好彩，我果時經過之前兩份工後，就練就一身好武工，職場上既生存之決。我在頭一年將成個infrastructure 起好晒後，公司開始implement 個ERP System，當其時我地用Oracle 而我正正係同埋班鬼一齊去implement 同 provide training，當其時班鬼乜都口up，我就玩到係每樣野一定black and white 出email CC 大老細，佢地因為每次口up 可以好唔負責，試過唔認數就知呢班係一班PK，對PK 就一定要用一D PK既方法，而我就揸住左呢個Oracle 既生死大權。所以打工的，有時唔係只係識做，你唔識揸住公司既命脈，你永遠唔會有出頭天。下回再續........
コメント