在講沙士之前，先講下一段少插曲。話說搬入去後人生遇到第一個黑色暴雨警告。果晚如常地瞓覺，但突然頭頂一滴水，滴落黎，醒左。心諗點解會滴水，慢慢睇下，發現原來由我頭上面幅牆，不斷入緊水。再睇深一層，唔係少少漏，係幅牆有道裂逢，不斷有水湧入黎，真係PK。即刻彈起身，不斷吸水中。有無見過鐵達尼，係船倉內，我用手指塞一忽，點知另一忽又出水，差D要用腳去塞，後來終歸梗係由佢沉船，放棄。第二朝，唯有一日係到攪同吸水，終歸就係成晚無瞓過。之後當然搵裝修黎攪，不然會死人都似。
講完小插曲就到香港人的經歷沙士，當時我係太古城番工，果時並不知咁嚴重，重同幾個後生仔係到玩，D人成日戴晒口罩，跟住我地就話人地戴左我地即係唔洗喇，所以果時好多人避開我地，坐地鐵見迫，咳兩聲，全部彈走，不過咁講，果時後生邊識，只顧玩。當時家人中都有人中左，其實後來先知，好好彩後來亦無事出院。當時我所做公司係美資公司，佢地選擇俾同事在家工作，好似一星期左右，我重記得幫公司要週圍搵口罩，重要炒價，都真係發死人財，但無計，都係要買。咁大家也知道當其時邊個地方最嚴重喇? 無錯，就係淘大花園，果時直插到4x萬一間兩房單位，我重聽聞當時係可以95%上會，另外果5%首期可以借p loan 去俾，堅超卓，但當其時，自己花靚一個又點會識呢D投資。大家又諗下如果淘大4X萬，你覺得我村屋會係幾錢? 當然我果時都唔知乜野叫負資產，但我深信果段時間我應該經歷緊人生第一次負資產..........待續
近來因為一些問題，心情不好，所以不要惹火我。因為我自己聽到一D說話，確實比粗口更難聽，如果你覺得粗口難聽的話，我深信你未經歷過呢D事情，人生也未算有經歷。 本人是一個真小人，所以別惹我。
Comments