炒人潮可能無聲無息就已經到來，當然老實講，你老細點會行出黎話準備炒你呀，要炒就即刻落鑊炒。我講嘅嘢你可以唔信，誠哥講嘢你就一定要聽，之前我都有出文叫大家好好做好份工，捱過呢一兩年寒冬，捱得過你就有翻身之日，捱唔過你就有排係無間地獄。
打工仔惡左咁多年，其實都係時候到老細惡了，早幾年經常話D老細無良，但你又有無喺老細方面諗過? 我意思唔係喺上司角度諗，佢都係打工，我意思係公司最大果個呀。其實呢幾年D老細都唔係好好過，外面要掛住個面，唔可以衰，因為一衰就麻煩了，銀行call loan，供應商要找數。內裡要壓住D人，人地跳糟又要再搵人，每個月cash flow 少D都出唔到糧，唔夠cash flow 就自己俾，有乜計? 做生意非我所長，我真係比較鍾意單打獨鬥，我寧願揸的士都可能未必會選擇創業。
我之前打工，老實講做我老細都幾慘，份人寸嘴，自以為是，但亦好老實講，我同D老細關係唔係差，因為佢都知我做到嘢，但把口衰D，太老實，太直接，我重可以生存就一定有我過人之處，但你如果都同我一樣咁寸嘴，你就要諗清楚你有冇能力去食得住你老細了，呢個時勢係打工仔嘅弱勢了，凡事唔好撐得太行。
Comments