大灣區物業分享

我自己在剛開始大灣區投資時曾經講過，呢次呢個機會，我諗係我呢世人黎講最後一次資產增值既機會。大灣區既發展，我絕對無懷疑過，我亦講過今次我會底褲都當埋落去，正正果日再創世紀郭晋安，也正正在講同一番話。我也深信作為一個投資者要成功，膽色，努力及幸運決一不可。

當然我睇好係建基於我自己覺得可以才去做，當然我也知好多出左名既投資人事聞大陸樓都色變。老實講，我深信佢地係無去選擇過去了解大陸樓，同埋係因為好多上了岸，佢只要依據自己現在持有既物業基本上都唔洗憂，咁佢又何需去了解一個新市場呢?你問下佢大陸樓回報，幾厘，佢答你既答案，其實就可以知道佢識定唔識了。

當然大灣區咁好，係咪真係9沖就得? 梗係唔係喇，例如一些一手物業，要睇清睇楚，商業性公寓，年期短，水電費貴，按揭5成做10年，重有現在新興既一樣野叫做賣車位，也是一些局來的，至於係乜野? 遲下錄段視頻跟大家講清講楚。除左呢D外，昨晚也有同學仔想買入一個單位，幸好大家對該屋苑相當熟識，制止了他，佢既價錢最少比市價高一成有多，所以投資並不是亂來的。你見我經常說沖呀，買呀，好似好亂來，但我心中果條數大家唔會知，亦唔知我點計。其實我也正在嘗試將我自己條數化成一些公式給學生，但當然好多物業有其獨特計法，不能一既而論。