從細，我就跟我阿婆生活，自小我都會將利是存起，同埋我從小都好鐘意金器，每次經過金鋪見到D金，對眼會發光。三歲定八十，原來自小我已經好9貪錢。但其實我小時既志願，大家知唔知道係乜? 其實係醫生，呢樣係受我長輩影響，不過我亦深信我就算做到醫生，都係一個好9貪錢既醫生，當然到而家大家都知我做唔到喇。
其實我細個讀書唔差架，好多時全級頭10名內，不過真係因為識左一班好好既損友，自中學起踢波籃球篤波乜9都玩，重有條好仆街既好兄弟好到我會考溫緊書時，重有一個月就會考，係自修室同我講，金庸好好睇，你快D睇下，咁我就用左我好寶貴既一個月時間去睇晒金庸全部既書，最終大家都知個結果喇? 我得三分，就係唔洗讀書果三科.....中英數
當然以我呢D人材，更係諗住考多一次一定金榜提名喇，就同幾個老友去讀夜校Repeat，果年爽law 每日下午兩點起床，跟住去個朋友屋企打機，夜晚6點半番學，但7點鐘已經走鬼左，跟住就去篤波打籃球，一年時間，退休生活，成世仔最爽既一年。最終會考結果都係三分，咁我就真正放棄了，而走去入讀工業學院，果時在工業學院，搵左份兼職去做，細時唔讀書，大時做運輸，就係做倉務送貨，衰D講就係"姑厘"，其實幾年既讀書生涯，我好多時都走堂去番工，而我都講過我從少就好9貪錢，而我既第一筆錢，亦由此而來，經歷4年既TI及TC生涯，在畢業時，我銀行戶口已經儲落6位數，當時係1999年，咁你就知道我幾勤力去番工，我在朋輩當中儲既錢可能也算是數一數二。
下篇開始入正文，請留意
圖中正是小弟當年會考佳績，我想同各位年青人講，邊個話一定要讀書先有用，就算人地話你廢，你洗9理佢，最緊要係你自己覺得你唔廢，同埋讀唔到書好閒，到你40歲時回頭一看，原來小菜一碟，千其咪鬼為成績去死，你咁做我堅同你講on9
Comments