其實個去成個月，自己出去睇過個市，當然確係有部份減價盤出現，但確係無報紙講得咁恐怖。個別盤跌一到兩成係絕對有，肯減加等錢洗，成到交都叫做市場數據。但我想講既係，係咪單單都有咁減先? 你10宗成交同我抽一單出黎講，我自己覺得真係無乜參考價值。
之前我睇樓就咁既，去到問有乜盤，求其掉幾個出黎，你求其時我咪又求其，我又求其揀個去問有無樓睇，Agent 就話無樓睇，業主唔交吉，XXX萬無得傾。
而家入去既係，我地有幾個盤，可以試下約業主，價錢應該重有得商量下。
態度係有分別，但你話要劈5成果D，咪玩喇，我深信你劈死個業主變凶宅，都無5成賣俾你呀，面對現實喇。如果真係想入市，就帶埋張票出去，劈佢一兩成係有D機，多的話個業主真係俾把刀你劈死佢，睇下凶宅可以平幾錢喇
https://hk.on.cc/hk/bkn/cnt/finance/20181122/bkn-20181122213015902-1122_00842_001.html
Comments