話說當時Oracel 新Project，我當然唔會放過呢個機會。好多年青人會見到公司有Project 就唔會接，但係我既角度係呢個係一個機會。老實講Oracle 同我之前既Job Duty 完全係兩回事，其實當其時有一兩個外面公司主要做Oracle 既人係到，佢地負責implementation 同一D setup既工作，而我?
老實講Oracle 我完全唔識，唔識就一定認喇，不過我都知佢要做既野就係一個ERP 從接單，訂料，生產……全部係system 內係一個流程咁去做。當中點implement 我當然唔識，而我做既就係一個training既人，同埋去用佢地既角度去諗有乜方法去解決。就係呢樣野，我每日都做兩到三次陪訓，由一開始用一D好爛既國語，然後一日好過一日咁去講，不過都唔係太好。大約用左年紀左右，起碼叫做上左馬用緊，需然經常性地有問題，但總算用得下。同埋我自己既策略係，每個Department 搵出一到兩個較醒既主力陪訓佢果part，好老實講，果時堅教到嘔血，好多幾十歲呀姐唔變通，做唔到理9你，行左去就算，相信做過IT都知呢D老屎忽惡過乜。就靠果一兩個醒既再慢慢教其它人，佢地始終有自己國內人既溝通方法，但果時其實流失量都好大，有一兩個醒既教完就走，始終果時識用Oracle 係國內其它公司也是值少少錢，但我果間濕9野梗係唔理喇。唯有走一個，又train一個。
果時係公司每日食飯，公司無飯堂，唯有係保稅區外面有，但果到D飯係5蚊飯，環境好9惡劣，週圍”卡吐” ，但無計，唔係我貪平唔捨得，係最近較正常既飯要行15分鐘去，15分鐘番，我唯有唔出去喇。果時我真係朝8晚10(最少)
通常就番宿舍時先食，所以可能係果時開始個胃攪到壞晒。重要有時死Server，試過幾次夜晚瞓瞓下2-3點，俾生產線既人call 我番去話有問題，成條線停晒，你無得唔番去，條線停左，到時又係賴你，呢D就係IT狗，公司真係乜9都關你事，上至水電裝修，下至network ，server 乜都搵你去攪。因為我地總公司係以色列，個時差又大，咁大家明白，我做IT 有幾辛苦，好彩第一份IT工既總公司都係美國，起碼試過下，不然真係會想死。
果時我重係每日係大陸住，但後來確係想零願貴少少都想多D番香港，果時拍拖，家中有兩頭寶貝，好掛住佢地。所以就每星期三，我都會自己番香港住一晚，第朝一早5:30起床北上。由西貢坐車去，我為左慳錢，會坐巴士再轉巴士入元朗，然後再轉小巴去落馬州，好轉折，但我可以慳十幾廿蚊一程。所以我每次一來一回會用5個鐘左右，去到落馬州，果時除左的士都無巴士坐，我果時就坐摩托，試過幾次俾公安捉，好彩係唔捉乘客，摩托好處係平5蚊雞就到，又快又唔塞車，唯一好9危險，搵命博。捱左幾個月咁做就諗，我會否考慮搬呢? 同埋果時我想俾個較好既地方俾女友同兩隻寶貝住，所以就開始不斷展開睇樓，當其時應該係08年左右，而我既第二層樓就應該係果時開始plan 去買了。 當其時每日工作地點
Comments