真係大獲，呢隻野真係估唔到碌到落黎D 33445566位，1xx蚊，半年就攞你命三千，我估都好多人輸死了，你話佢有無得升番，我唔識股票堅唔知。只係今次食花生發現有某KOL 一推左佢就跌到阿媽都唔認得，真係唔知點解。全部一齊玩果堆野既KOL 全部都咁勁可以令人輸錢?? 玩幣跌價，玩股又跌，重要俾人拉埋．．．其實跟你班友去投資既人究竟知唔知呢堆人靠乜野賺錢同生活??唔知? 不如咁我俾個比喻大家。
佢地就好似一間廟既廟祝咁，同善信講呢個神好利害，佢間廟開既符能醫百病，愛滋都唔洗驚，洗乜用套，但唯獨要添好多香油去買呢張符去沖水飲。咁呢D善信又真係俾晒錢，飲晒符水，然後真係真軍去打仗，最終個個賴晒野，好鬼痕，然後而家番黎諗住搵個廟祝算脹，但個廟祝就已經走左佬，連神位都托走埋。再去另一個地方再次演活呢個神話，無休無止。
各位善信，醒喇，你地D香油錢我都幾肯定收唔番，但唔好再添香油喇，科學少少，自己去學下做廟祝去搵善信喇，可能先至係你既出路。 https://hksmedia.com/article/111191/?fbclid=IwAR3oVpbH_nZDaugcrrOQky2t__RAk372j2n4tSgBTH5IcA12fAtCG-0_ZX0
Comments