昨日出席了時生所攪既新蒲崗創業之友開年飯局，席間識到多位生意人，做生意既高手。老實講我自己盤生意都真係放軟手腳，靠兄弟同事去跟就算，同埋基本上毛利確係慢慢下降。
家下時勢做生意難，但我深信好多生意人，唔做自己盤生意係無問題，過得可能重好過做生意，但下面一大班兄弟跟你多年，你唔通叫個個無野做，又出去搵過工咩，所以基本上叫捱住去做。好間唔中有D大project 確係賺到下錢，但真係一年又有幾多單大野呢?? 同埋唔好諗住做老細好好，做老細而家都幾受員工氣，你以為老細惡晒? 而家無呢枝歌仔唱了。
我自己因為覺得生意無乜得做先去投資物業，而物業確係可以給我帶來保障，這幾年靠物業升值確係比生意上賺得多。不過昨日出席了創業家聚會後，又燃起我想做番生意既念頭，不過看來今次開始要轉一轉玩法，再靠以前果種生意模式運行，我諗真係唔多掂。而家做生意真係要多角度多思維去諗，一成不變真係好容易會俾人食埋黎。
댓글