星期四晚，跟期人及另一位朋友食飯，當然大家有飲酒，亂咁吹水，除左期人，另一位朋友是做生意的，每年以億計上落，不算十分大，但也相信不算細了。佢平日亦有投資開，佢突然問左我一樣野，你平日教人進攻式投資得多，但以現時市況來說有否考慮過守。這是當頭棒喝！
我知道近呢一兩年，我對房產投資，還是以進攻為主，當然自己有盤數去守，因為我都講過，我自己點都有一佰幾十萬在手去頂的。但問題就來了，每人條數唔同，我唔知你條數，所以咁耐以來，我確實無乜教人去守。佢係生意人，佢自己都話呢個時勢佢開始去cut cost cut 人等等，因為貿戰老實講，唔知會幾耐，同埋佢自己睇不太樂觀。
對我來說教你進攻容易，防守困難。呢個時勢如何防守?市場上有幾多高人會教你去守? 點解? 因為教你去守，我點賺佣金，點俾貼士你吸客? 在我角度我未洗靠你開飯，我9up下，又何況，o岩聽你就聽，唔o岩聽我都無計了。
好簡單的去講我會去盡量用一些產品以回報去計算去捱時間，現金流確保唔會間斷，盡量避開有問題之投資產品，以流動性為基楚，以保本為原則。咁你會諗樓咪即係唔得? 我只可以講，自住永遠可買，投資的就要睇基數如何，回報如何等等，呢刻如果我叫你合埋眼去買野，我深信我係一個銷售員多於一位投資者。守，原來確實好難教人，唔係我唔想教你，而係每人入息資產等等確也不同，我自己覺得可以的，但可能你是不適合，這是困難的，亦確係富有挑戰性，呢個時間可能並非大家所想的咁容易捱過。如何做到理財金鐘罩，12關，零罩門? 我諗講易行難，呢個話題亦不是三言兩語解釋得到。
Commentaires