拿拿拿，又黎喇，又有喇。我都講過唔好掂一手，商業性公寓，車位等等，你地問下我學生我最多講既係咩?咪就係呢幾樣。
我都同大家講過唔好因為肥媽去買一手你地又沖去買，我之前有文章講過，我係大巴聽到D香港大媽話跟肥媽去買果D樓盤咪得law。係車道，三九唔識七，我點救佢，亦都救左都無人會多謝我，慳番啖氣。
一手樓，最大問題係完工，質量，然後之後回報等等問題，香港人永遠都怕煩，就去揀一手，貪靚又去揀一手。就好似一個麻甩佬，見到個後生索女，就9沖埋去，上左賊船先知係食錢怪。
但又有幾多人買賣二手物業? 唔怕煩，來來去去我敢講香港無幾個，我係其中一個，亦係肯教果個，你唔信咪上去撞幾次板，就識架喇，唔貴，幾萬人仔，你醒的話應該可以學精，但唔擔保會唔會中第二個伏。買賣二手物業，係最覆雜，係經紀角度係無乜錢賺，但就因為覆雜同煩，我先至可以比人快去尋到寶。
如果D寶咁容易係街俾你買到，唔洗你煩，你信唔信?香港人番工又長時間，食野要快，買野要快，投資都想快? 想快你無人帶我好老實話你知，準備做炮灰喇。報我堂既學生，好多都幾層樓揸手，有D過億身家，勁到噴汁。如果俾佢變炮灰，我塊面係邊，但相反街外的我樂於看見，點解? 因為無炮灰，我地點生存，無計，世上就係咁，弱肉強食。
我好寸? 係呀，我寸得起，你問下坊間有邊個玩二手野，熟得過我? 我係國內有教中介點樣去做買賣，你話我熟D定佢熟D? 你信中介，咁我就祝你好運了。
https://hk.news.appledaily.com/breaking/realtime/article/20181213/59025918?fbclid=IwAR0R-epypn5IUr2AitMxEdeW3hDbSguict-BkxbVnq6zHOqmepfDf0pnxDc
Comentarios