大家記唔記得，我之前有個post 叫乜野都會出軌，估唔到又有單咁爆既出黎。我自問有D八掛，加上Sammi 係我兒時偶像，真係見到都頭痕，你斷得咁正，邊有得拆。
我個post 咪講過只有一樣野可以信，就係紅本，你睇事實真係咁。我屋企人好多都話我貪錢，只鐘意錢，但好老實講無錢的話會有乜野會發生? 其實好多人唔明，一個家庭無錢真係好多問題會出現，以前有句叫貧賤夫妻百是哀，你估假架??? 堅架。有錢的有問題重有辦法可以諗下，無錢的你諗都無得諗，邊有得你揀。
今次安哥其實只係衰蠢，一個咁既女痴到咁樣埋身，我係男人會講，係好難頂，我自問如果係安哥我都9成以上會死得，另外果一成係我醉左........重要不醒人事果隻。其實安哥真係算係咁，忍到手無係車上面，起碼都叫做少少被動，俾我........我都唔知乜後果了。
有時做男人堅係好難頂，所以人地話女人target 男人容易，我認。因為男人一有性欲就會係下身諗野，佢係錯架喇，但老實講又有邊個男人係呢個環境唔做錯。錯就只錯在佢係公眾人物同蠢，不過呢件事有時對某D人可能係好事，例如馬明，及早看清一個人，好過上左賊船先黎落船，重慘。
兩個人走在一起當然要互信，但我唔會覺得兩個人唔應該有各自既資產，如果所有資產只聚於一方，並非一件好事，當然做男做女都好，偷食真係行遠D，偷得咁近，真係傷晒感情，免費既野永遠都係最貴。
今次事件大家明喇，呢餐免費餐，身敗名裂!!!!
業Sir - 樓計識
Comments