大家好，今日剛好小弟生日，其實我一向不太慶生，但剛好，好多野都要今日做，真奇怪，連我公司個BR 都係今日到期.........巧合??? 可能吧
今日亦剛好係我首次係Baby-kingdom出文既日子，希望大家以後多支持，亦要多謝Baby-kingdom 既邀請。
今日生日，就祝大家都早日財務自由喇
大家好，我係業Sir 呢篇係第一次，係Baby Kingdom到出文，識我既人可能知我自己主力投資物業去達至財務自由。如果大家唔多了解我的話可以睇睇我網站: 網站: www.yip-sir.com facebook: www.facebook.com/yipsirsir 希望大家多多支持。
財自一詞係我2x時，完全唔明白係乜，我只知每日翻工湊住d老細，翻去擦下鞋，總之盡量保住份工。到我3x歲時我開始知道財自係乜野，但未能做到，當其時我要財自係因為我份工不穩定，我只想可維持我生計。就係咁係3x歲時我不斷追求我既財自夢，日做夜做，當時比人夠膽沖，亦好老實講而家市面上好多做法都係我首先諗到出黎，因為我敢去試，後來一分享，好多人試過work就大行其道。到我財自了，反而令自己更跌入個老鼠圈到，想搵得更多更多，最終人生既慾望令我失去的比得到的多。
有時財自了會有人因為唔夠安全感而繼續去做野搵錢但受氣唔開心等等，但財自既意思其實係乜？係你追求財自既途中會唔會又跌番入個老鼠圈？財自係你可以選擇你喜歡既工作，而我喜歡既係物業投資，所以我選擇去教人，因為教人既同時，我除左收到學費之外，我重可以從學生中知道佢地遇到乜野問題，從而去諗方法解決，只要諗到方法，自身功力又進步一分。
到呢兩三年，人生經歷多了，有新想法，開始唔翻工了。感覺上比以往日做夜做既日子更加好，得到的更多更多。而家可以係屋企食個早餐睇完電視，再出去飲茶，買餸煮飯，一日花費不多。如果有戲想睇，基本上係包院去睇咁，好舒服，再加晚飯，全日加埋都係3xx 蚊，財自好難？？其實一d都唔難。當然我自己係無細路，我知道可能好多人話有左細路就會唔同。無錯，呢樣我會認同，但記住我地細果時咪又係咁去過，其實小朋友好多時係你俾心機去陪佢，好過你俾好多興趣班去迫死佢。可能有人話我唔明白現時教育係點，可能我真係，但如果我有細路，我諗我還是會緣用自己既一套方法去教佢，就只教佢做人處事，至於讀書或興趣班，隨緣吧。
如果你係追逐財自裡面有迷失，會係好正常，因為我都曾經迷先過。財自不難，但人心不足，呢個問題先係徵結令你跌番落個老鼠圈。
祝大家早日真正財務自由！
https://www.baby-kingdom.com/%E5%AE%B6%E5%BA%AD%E7%90%86%E8%B2%A1/%E5%AE%B6%E5%BA%AD%E7%90%86%E8%B2%A1/%E8%B2%A1%E5%8B%99%E8%87%AA%E7%94%B1%E8%80%81%E9%BC%A0%E5%9C%88-150435?fbclid=IwAR2jApW_kHxOid7m--n-aPk2B0y__IeXtO-djHhmjM9bmiz53jtNGxv1yqM
Comentarios