之前出過一個咁既圖，我自己睇完有少少懷疑，香港既有錢人真係咁少?我自己睇過圖同文字，我又發現無寫明呢個資產數係包括物業係裡面，但亦有人講已經包括了，但我又真係唔多信。而家香港求其一層樓都唔止呢個數，就算有按揭都好多人手持兩三層樓，重有一大堆物業已經無左按揭，如果計埋果堆，感覺唔會得咁少。
呢張圖個金字塔，睇落去又恐怖左少少，所以我自己覺得呢個數如果係指流動資產可能較合我自己預期。不過老實講，呢D數據準唔準呢? 我又好有保留。如果佢真係準的話，重要包括埋樓，我自己就覺得好多人用近親轉移左物業到一個人身上，然後自己再留個額去買，變相只係用DSD。
我自己老實話，一向唔多睇呢D咁既報告，可能會有人話我買野亂咁黎，都唔睇數據乜都唔睇，呢個都可能係架，我認，因為我只需要計我自己條數，我條數自己就最清楚，我計到去買樣野，輸個機率低過贏既好多，咁我咪即係局賺羅? 當然仍然有輸既機會，但細嘛，呢條數要你自己去計。數據唔係唔重要，只係有時太著重於數據，你就會有少少變左賭馬前去刨馬經咁，如果份馬經咁準，個個馬評家贏晒錢喇，重出黎評馬? 所以馬經只係一個輔助。
同一道理，08到今日樓價升幾多倍? 如果個個大行D數據咁勁估得到，佢出隻基金只買樓同收租，都賺不知幾多倍喇? 咁點解又無?樓呢10年真係穩賺一樣，其它股票基金都重上上落落，可能有個別股票升幾十倍，但真係佔得好少。所以買樓同投資，還要睇自己既財政同風險，睇太多報告有時可能會令你過份閱讀，搞亂自己思維。
記住: 樓唔係要黎炒，而係要黎住架。
Account 已死晒，你pm我唔到了，我連login 都唔得，搵下面渠道喇。
業Sir Instagram https://www.instagram.com/yipsirsir
業Sir 微博 https://www.weibo.com/yipsirsir
**************************************************************** 廣告時間:
1. 由東莞同鄉會及本人合辦之大灣區社區分享會 大家如有興趣可以參加(免費) 暫定日期: 11月21日 時間: 晚上7:30 - 9:30 地點: 尖沙咀
大灣區社區分享會報名連結: https://bit.ly/33CTUuJ
2. 最後一班補課班，時間暫定11月14-15號晚上7-10pm 同大灣區1234班一樣，因為有太多朋友查詢，現在加 開，最後最後。之後想上的，就未必幫到佢了 如有興趣請Whatsapp 54645624
Comentarios