大家記唔記得早一兩年咪好多人買唔到樓沖入場到買車位? 攪到香港D車位升到阿媽都唔認得。我其實果時都講過叫人唔好買車位，因為經濟一逆轉時，跌得最傷最痛既一定係車位，因為人可以唔養車，就不能無屋住。我自己早幾個月前都無養車了，而我又真係唔覺有乜唔方便，相反每個月慳成一萬幾千，坐的士都幾舒服，又唔洗認路，泊車，保養等等
其實你見香港車位係咁，其實我預見到下個出現既會係大陸，近來好多香港地產帶人北上買貴價車位投資，俾出既回報5厘以上，其實概念同香港賣劏鋪一樣，當賣左俾你後，你覺得重有無人理你? 香港人投資，永遠都係犯同樣既錯，無間地獄，人地改少少玩法你又中，其實我真係唔明點解會咁? 1x -2x萬一個車位，你知唔知係大灣區係可以買到層樓了，重有房產證，你個車位出唔出到房產證都係一個未知數。
有人話大陸好多車，每年增長幾多，但你又要諗一樣野大陸重有好多地，你地又知唔知? 有無見過深圳水圍一個車位都係收緊幾佰蚊月租，你話經紀話你知個回報有無誇大呢? 租2-3000? 屋都租到喇，真係講笑，買左車位既自己小心D喇
https://hk.on.cc/hk/bkn/cnt/finance/20190107/bkn-20190107200310922-0107_00842_001.html?fbclid=IwAR1msZHKWhlRkULI5m_QmznerD70WtvT1658lLvW_dXRdtEBWJFiBxzPAAc
Commentaires