星期五，有同學約我一齊出去睇盤，搵貨買。但我都同佢講，應該都無乜野睇了，不過無野做都出去行下。
今次睇長沙灣一帶，成個下午睇左5-6間樓，全部價錢為42x-468萬不等，尺數由200 - 300 尺不能，即全部尺價為14xxx左右，有一間去到23000。但除左長沙灣，就去左一個地方，左敦，因為係地產車我地去。
左敦呢間兩萬三就係我想講，坐落位置係近高鐵站，樓下玉石街，服務式住宅，20x尺。我一入去感覺一個字細，但成棟野租晒，平均租金20000左右，我真係一呆。呢D細過酒店房既盤，真係可以租到咁貴，開價468萬，大家按下計數機，回報有成5厘，係咪合晒格呢?
所以我都咁講，有時租金回報可能係天下裡邊既風雲一樣，成也風雲敗也風雲。租金計到數，如果你沖，我諗你要希望佢升值重要加有人接貨確係幾難。呢類盤全部租外國人多，外國人初來到步，好多時人生路不熟，確係會租，但時間一過之後就可能會租第到，所以可能流轉會好密。
另外，如果租務市況一轉，呢類咁細既服務式住宅，租金可能會跌得好甘，一跌得甘回報唔到的話，樓價也會調得幾利害。同埋你可以諗下，23000 一尺，我諗好多豪宅尺價都未必有咁貴，你想再升值的話，我覺得就真係難難地了。
回報係一面雙面仞，唔識考慮的話，你確係可以輸得好甘。
Comments